पाल्पाका सुशील ज्ञवाली बने प्राधिकरण सीइअो

काठमाडाैं-बहुप्रतिक्षित पुनर्निर्माण प्राधिकरणको सीईओमा पाल्पा खस्याैलीका सुशील ज्ञवाली नियुक्त भएका छन् ।

मन्त्रिपरिषद्को शुक्रबार साँझ बसेको बैठकले ज्ञवालीलाई प्राधिकरणको सीईओमा नियुक्त गरेको उद्योगमन्त्री सोम प्रसाद पाण्डेले बताए ।

खुल्ला प्रतिस्पर्धाबाट नगर विकास कोषको कार्यकारी निर्देशक बनेका ज्ञवालीलाई डेढ वर्ष कार्यकाल बाँकी छँदै सरकारले बहुपतिक्षित पुनर्निर्माण प्राधिकरणको सीईओमा नियुक्त गरेको हो ।

स्थानीय निकायमा २० वर्षे अनुभव बटुलेका ज्ञवाली सिभिल  इञ्जिनियर हुन् ।

यसैगरी पुनर्निमाण प्राधिकरणको कायममुकायम सचिवमा मधुसुदन अधिकारीलाई पठाइएको छ ।

मन्त्रिपरिषदले योजना आयोगमा खाली रहेका सात सदस्यको पनि पद पूर्ति गरेको छ । सदस्यमा डा विजय कुँवर, कामानन्द देव, डा. सुमित्रा अमात्य, डा. दिपभक्त जोशी, डा चन्द्रकान्त पौडल, डा.सुनील बाबु श्रेष्ठ र कृपासिन्धु प्रसादलाई नियुक्त गरेको मन्त्री पाण्डेले बताए ।

को हुन सिइअो ज्ञवाली ?
इन्जिनियरिङका विद्यार्थी ज्ञवाली करिव ८ बर्ष वुटवल नगरपालिकामा योजना प्रमुखको रुपमा कार्यरत थिए ।

उनी त्यहाँ कार्यरतहुँदा बुटवलको योजनावद्ध विकासको खाका तयार पारेका थिए ।
ज्ञवाली एमाले उपमहासचिव तथा अर्थमन्त्री विष्णु पौडेल निकट मानिन्छ। ज्ञवाली हाल नगर विकास कोसका कार्यकारी निर्देशक थिए ।