हिजो-आज वियोगमा डुवेको छ देश (गजल) -पार्वती घिमीरे


                  हिजो-आज वियोगमा डुवेको छ  देश
                  हानथापको प्रतिस्पर्धामा नै घुमेको छ देश ।

                  प्रगति उन्नतीको नाममा सधै हुन्छ किनवेच
                   स्रोत -साधनको छलछाममा जेलिएको छ देश

                   ठुलालाई चैन सानाजतिलाई एैन भएर नै
                   इमान्दारीताको वियोगमा तडपेको छ देश

                  फाईदा छैन्न केही वाचुन्जेल केलाई रिष राग
                   घात-प्रर्तीघातको  भुमरीमा अल्झेको छ देश

                   सवैलाई हेर्ने आँखामा आफनो पन नभएर
                   ठगठाग गर्ने दुनियाँमा  फसेको छ देश ।।।