राष्ट्रपतिबाट राजीनामा स्वीकृत, ओली काम चलाउ प्रधानमन्त्री

काठमाडौं । प्रधानमन्त्री केपी ओलीले दिएको राजीनामा राष्ट्रपति विद्यादेवी भण्डारीले स्वीकृत गरेकी छन् । राजीनामा स्वीकृत भएसंगै प्रधानमन्त्री ओली काम चलाउ प्रधानमन्त्री भएका छन् ।

प्रधानमन्त्री ओलीले आइतबार साँझ संसदमा सम्बोधन गर्नु अघि मात्रै राष्ट्रपति समक्ष राजीनामा दिई आगामी नयाँ सरकार गठनका लागि बाटो खुला गरेका हुन् । ओलीले सम्बोधनका क्रममा आफुले राजीनामा दिइसकेको सदनलाई सुनाएका थिए ।

यस्तै, ओलीले आगामी सरकारका लागि शुभकामना समेत दिए । ओलीले आफुले उठाएका मुद्दाहरु र ल्याएका योजनाहरु कार्यान्वयन गर्न नयाँ सरका बनाउन लागेका दलहरुलाई आग्रह गरे ।