म्याग्दी समाज अमेरिकाले समर पिकनिक गर्ने


म्याग्दी समाज अमेरिकाले हरेक बर्ष जस्तै यो बर्ष पनि लेबर डे को अवसर पारेर समर पिकनिक गर्ने भएको छ | समाजका अध्यक्ष रामप्रकाश भण्डारीले मेरिल्याण्ड र वरपर बस्ने सबै नेपालीलाइ उक्त पिकनिकमा सहभागी भईदिनु हुन अनुरोध समेत गर्नु भएको छ |

यस बर्षको समर पिकनिक बाल्टिमोरको गनपाउडर फल्स स्टेट पार्कमा हुने आयोजकले जनाएको छ |

पिकनिकमा बिगतमा जस्तै रमाइलो गरिने पनि आयोजक म्याग्दी समाजले जानकारी दिएको छ |

समाजका अध्यक्ष भण्डारीका अनुसार यो बर्ष पनि छेलो फाल्ने, भलिवल र डोरी तान्ने प्रतियोगिता गरिने छ | साथै बालबालिकाको करांते प्रतियोगिता हुनेछ | डिजे सहितको दोहोरी र नेपाली पन्चेबाजा पनि पिकनिकको अर्को आकर्षण रहने छ |

म्याग्दी समाजले सार्बजनिक गरेको सूचना यस्तो छ :

सम्पूर्ण दाजुभाई तथा दिदीबहिनीहरुलाइ हार्दिक निमंत्रणा !!!!!
यसपालिको अमेरिकी श्रमिक दिबस ( Labor Day ) नजिक आउदै गरेकोछ. सदाझै अमेरिकी श्रमिक दिबस ( Labor Day ) को शुभअबसरमा आयोजना गरिने यस बनभोज रमाइलो मनोरंजनका साथ भब्य रुपमा मनाउने हाम्रो चाहना रहेको कुरा यहाहरुलाई जानकारी गराउन चाहन्छौ. 
तसर्थ तपाइहरु सबैलाई यस बनभोज कार्यक्रममा सहभागी हुनकालागि म्याग्दी समाज अमेरिका हार्दिक निमंत्रणा गर्दछ.

हजुरहरुको भब्य उपस्थिति तथा सहभागिताले मात्र हाम्रो यस कार्यक्रम सफल हुने भएकोले यहाहरुले आफ्ना परिवारजन, इस्टमित्र तथा छिमेकीहरुलाई यस कार्यक्रम मा सहभागी हुनका लागि खबर गर्न तथा प्रेरणा दिनुहुन हामि बिनम्र अनुरोध गर्दछौं.
हाम्रो यस कार्यक्रमलाइ सफल पार्न म्याग्दी समाज अमेरिकाको कार्य समिति, यसका सल्लाहकारहरु, शुभचिन्तकहरु, म्याग्दी समाज अमेरिकाको पूर्व कार्यसमितिका अध्यक्ष्य बुद्धि शेरचन र पूर्व पदाधिकारीहरु तथा म्याग्दी समाजका सम्पुर्ण सदस्यहरु तदारुकताकासाथ लागीपर्नु भएको छ. 
यसपालिको बनभोज कार्यक्रमको प्रमूख आकर्षणहरुमा भलिबल, लठो तान्ने, ठेलो फाल्ने लगाएत पन्चे बाजाका साथमा दोहरी लोक गीत रहने भयको छ.
लोकदोहरी गाउनका लागि नेपालदेखि म्याग्दीका तर राष्ट्रिय रुपमा ख्याती प्राप्त गाएकहरु बिर बहादुर कार्की र नर बहादुर बानिया हाम्रो कार्यक्रममा मनोरंजन प्रदान गर्न आउदै हुनुहुन्छ. उहाहरुले हालसालै निकाल्नु भएको खसोखास म्याग्दीमा प्रचलित शिर फुलै माया भन्ने गीत पनि हाम्रो कार्यक्रममा प्रस्तुत गर्नुहुने भएको कुरा यहाहरुलाई सहर्ष जानकारी गराउन चाहन्छौं.
यसैगरि लोक दोहरी गायनमा साथ् दिनकालागि म्याग्दीकै महिला कलाकारहरु मंजु पुन, पृथ्बी माया पुन लाइ हामीले बिशेष अनुरोध गरेकाछौं. यसका साथै ख्याती प्राप्त दोहोरि कलाकार सिर्जना थापा बिरहीलाइ पनि बिशेष अनुरोध गरेकाछौं. आशा छ उहाहरुले हाम्रो बिशेष अनुरोधलाई स्वीकार गर्नुहुनेछ.
यदि यहाहरुले यस कार्यक्रमलाइ सफल पार्नका लागि नगद तथा जिन्सी प्रदान गर्ने इक्षा छ भने कार्य समितिका अध्यक्ष्य राम प्रकाश भण्डारी, उपाधक्ष्य अमर छन्त्याल, कोषाधक्ष्य आशा पुन तथा पूर्व अधक्ष्य बुद्धि शेरचन लगायत कार्यसमितिका अन्य पदाधिकारी तथा सदस्यहरुलाई सम्पर्क गर्न हुन बिनम्र अनुरोध गर्दछौ.
अन्तमा हाम्रो यस कार्यक्रमलाई सफल पार्नका लागि तैयारीको क्रममा नगद तथा जिन्सी दान गर्नुहुने सम्पूर्ण महानुभाबहरुलाई हामी हार्दिक धन्यबाद प्रदान गर्दछौ. 

बिनित/प्रार्थी 

म्याग्दी समाज अमेरिका परिवार
Date: Monday September 5th 2016
Venue: Gun Powder Falls State Park, Shelter No. 2
Physical Address: 7200 Graces Quarters Road, Middle River, MD, 21220
Time: 11 AM to Sunset