उपत्यकाका आधा दर्जन स्कूल अगाडी बम फेला, नेपाली सेनाको टोलीद्वारा डिस्पोजको तयारी

तस्बिर:बाह्रखरी डटकम
काठमाडौं । काठमाडौं उपत्यकाका विभिन्न आधा दर्जन स्कूल अगाडि बम फेला परेको छ  ।

 ललितपुरको रेडियन्ट रिडर्स एकेडेमीको अगाडी प्रेसर कुकर बम फेला परेको ललितपुर प्रहरी प्रमुख पिताम्बर अधिकारीले जानकारी दिएको काठमाडौँबाट प्रकाशित हुने बाह्रखरी डटकमले समाचार छापेको छ ।

अहिले नेपाली सेनाको डिस्पोजल टोलीले बम निस्कृय पार्ने प्रयास गरिरहेको छ ।

त्यसैगरी काठमाडौंको जोरपाटीमा रहेको  राई स्कूल, मनकामना उच्च मावि दक्षिणढोका, माउन्ट युराल, इस्टपोल, लामा पेट्रोल पम्प र स्वयम्भूको एकठाउँमा बम फेला परेको प्रहरी निरीक्षक के आर पण्डितले जानकारी दिएका छन् । राइ स्कूलको बम डिस्पोज भएको छ । माउन्ट उरालमा अहिले डिस्पोजको तयारी भइरहेको छ ।

मनकामना उच्चमावि अघि राखिएको बम बिहान सबेरै विस्फोट भएको थियो । विस्फोटबाट गेटमा सामान्य क्षति पुगेको प्रहरीले जनाएको छ ।

बम राखेको आशंकामा प्रहरीले तीन जनालाई पक्राउ गरेको छ । काठमाडौं प्रहरी प्रमुख विक्रम सिंह थापाका अनुसार योङ कम्युनिष्ट लिगका तीन कार्यकर्ता पक्राउ परेका हुन् ।

,